كلام مصباح ابن عمى

دى قصيدة بالعامية للواد مصباح المهدى .. إبن عمى ، ولإنه ماشى فى سكة الغضبانين

فهوشاعر مهم جدا وفعال
ودى مش القصيدة كلها

****

( 3 ) حلقـي مرار

سكت الكلام
" .. والبندقيه اتكلمت "
شالت وحطت والبَلَهْ سِمَة الوشوش
تصريح مؤقت بالكلام
ف حدود ما تسمح به الوحوش
تقدر تجيب إذن التفافي منّهم
تخرج على حسه الجرايد
والمظاهرات للطريق
تصريح مؤقت بالقرف
ولو ان عار اللي احنا فيه
ما ينضفوش غير انتحار ،،

(4)
منعوك تنام جنب المَرَهْ
راجل
عليك انك تمدّد جنبها
جثة مَرَهْ
وتقول
سلام ،،

(5)
معنى السلام
إنك تسيب مَرَتك لهم
أو تلقى تانى ف وشهم
جوع لك كمان ،،


(6)
حبلت بك الأرض
اللي فتحت للغريب رجليها
جاب من بطنها
أراجوز غريب
يسكت بكام
يفرد قفاه عارف بكام
لو قال كلام باهت
شبه وشُّه الكلام
عارف بكام ،،


(7)
الكلمه مومس
جرّبت أشكال كتير
شالت وحطت من عرق
يطفح به بير
مترف أنا لو قلت
مُرّ
لو قلت
طعم الحلق مُرّ
حَدّ اللي جاي قاطع
وحَدّ الذكريات
يا مين يدخلني ف بيات
بره الزمن ؟

(8)
صدام حسين
آخر جدار مجنون
وهـوّه يحِلّها غير الجنون ؟
صدام حسين
يعني استحاله تعيش جبان
أو تنحني للأمريكان
ممكن يهدّوا الدار عليك
أو يقفلوا كام باب عليك
لكن بتفرض كلمتك
فرضت إديك العريانيين
صوت العراق
ولا هَـزّ نخله من العراق
يوم القيامه
يوم ما خشِّينا الجحور
ولعنّا دين صدام حسين

(9)

على دكتك مستِّنى دور
أو طاقه يدخل منها نور
بدر البدور مش فى الحساب
آخرك من الأحلام جواب
يدِّيك أمل إنك تدور
حتى اللي عايز يبقى تور
مستني دور
آه يا بلد
" ثاوٍ على صخرٍ أصمَّ
وليت لي
قلباً كهاتيكَ الصخورْ "