فضفضة بنت مقربة جدا من القلب ، واسمها لبنى

فضفضة بنت
مقربة جدا من القلب

واسمها
لبنى

عمو ابراهيم

طيب انت راسم لي شخصية معينة و هي فعلاً تشبهني ،بس أنا شخصيتي تشكلت نتيجة مجموعة من المواقف اللي مرت علي، و بصراحة اشك انها مرت مع بنت غيري بابا على درجة عالية من الثقافة ،و أراد تشكيلي و اخواتي على كيفه ،و فعلاً فعل في الفترة الأولى من حياته0
قرأنا كمية مهولة من الكتب ،و حفظنا شعر وطني لغاية ما بقينا بنحكي شعر،
حبينا عبد الناصرـو حفظنا الأغاني الوطنية ،و تعلمنا إن الحب مش عيب و لا حرام لأن أبونا اتجوز أمنا بعد قصة حب كبيرة ،و لكن الحب له ضوابط
و قواعد 0
سافرت على سوريا أدرس في الجامعة 0
قبل ما أطلع من البيت سمعت من أبوي كام كلمة حطيتهم قدام عيوني و مشيت
نفسك امانة مع نفسك 0ديري بالك عليها قدر الإستطاعة علشان أنا و أمك نكون مرتاحين
نزلت سوريا لوحدي أبوي بس وصلني دمشق و رجع بعد يومين ،ما كنتش اعرف حاجة في بلد ضخمة و مخيفة ،أنا دبرت كل أموري0حتى اني تحملت مسؤولية بنت صاحب أبوي اللي ما تعرفش حاجة غير انها تعيط ، كانوا اهلها وصوني عليها من الأردن قبل ما نطلع سوا أنا و هي0-
كنت حلوة و مش محجبة ، بس جدية و نكدية لأبعد الحدود0
تعاملت مع كل أنواع الناس ،و مع كل طبقات المجتمع،و كا ن عندي المقدرة أكسب احترام حتى البقال و بياع الغاز و دكاترة الجامعة كلهم ،و أسوأ شباب الكلية، و أحسنهم أيضاً0
بس الغربة متعبة خصوصاً لبنت

وأنا صغيرة كنت بعاني من التعب و الإرهاق السريع0
الدكاترة قالوا دلع ،بس الغربة كشفت حاجات مخيفة
الضغط النفسي كان له تأثيره0
رجعت للأردن في إجازة الصيف0 علشان أوقع من طولي مرة و ياخدوني للمستشفى

و يكتشف الدكتور المشكلة اللي ربنا خلقني فيها0
(تشوه خلقي في الصمام التاجي في القلب)
مشكلة بسيطة و عامة و كتير من الناس بيعانوا منها ،بس المشكلة اني اكتشفتها و انا عندي 18 سنة

لسا ما كنتش اتعودت على حاجة اسمها مرض
تشوه لا يصحح بالجراحة ،و العقاقير غير قادرة على حل المشكلة
ايه الحل؟
دوا؟
حبة دوا اخدها كل يوم الصبح تضبط النظم القلبية كلها
لا تسارع في ضربات القلب و لا ضيقة نفس 0
طيب قلب زي ده سهل يحب
طيب لو حب يقدر يظلم حبيبه و يخبي عليه المشكلة دي
?طيب لو خبر حبيبه ممكن حبيبه يقبل
و ممكن ما يقبلش0
طيب لو قبل هتكون شفقة؟
ولا الحب يصنع المعجزات؟
طيب لو ما عجبهوش هيكون أنا موقفي ايه؟
مر علي كتير في الجامعة 0قبل ما اتحجب و بعد ما اتحجبت
حبني مرة دكتور بيدرسني 0بس انا ما اقدرتش
هيكشف سري0
تعاملت معاه بشكل عدواني 0و كانت مسألة لا إرادية

لغاية ما مرة تسببت في طرد نفسي من الجامعة0
بس سمعتي الطيبة و توسط بعض الأساتذة اللي بيعرفوني خفف العقوبة 0 لطرد لمدة دورة دراسية واحدة0
بعد ما تخرجت من الجامعة و اشتغلت حبني زميل كان معاي بالشركة ؟واعجبت بصبره على نكدي و عصبيتي و تحمله لكل إساءاتي له0وقررنا نتعرف على بعض
و فعلاً00
جاب امه علشان تخطبني ،وما عجبتهاش حارتنا0
قالت : دول ناس نور مش اد المقام
قلت له روح شوف وحدة تكون من مستوى امك
قال: انه عايزني و بيحبني
قلت له: انا ما اقدرش
و كنت حكيتله على قصة مرضي/وو ما كانش له اي تعليق
بعد رفض والدته ليه و بعد ما طلبت منه يبعد عني ؟قعد شهر و كام يوم و بعدين قرأت نعيه في الصحف00
مات في 10/3/2005
حسيت بالذنب،و عاهدت نفسي لا احب و لا اسمح لأحد انه يحبني ،و رجعت للعصبية و النكد 0لغاية ما جي أسامة
حبيته من قبل ما شوفه ،و حسيت انه هو اللي انا عايزاه،و قلتله اني معجبة فيه
و فرحت لما قال انه بيحبني0
حسيت معاه اني فعلاً انسانة و مشاعر و قادرة احب
بس هو ما عرفش اني اناغير اي بنت
انتهت الحكاية
تعرف؟
انت كنت قلت لي انك مش مصدق ،و مش مقتنع اني كنت عاملة كل الحصار ده على نفسي و حبيت اسامة ببساطة؟
انا مرة و انا صغيرة حلمت بجني بينادي علي بصوت غريب في وداني و انا نايمة
فسألته مين؟
قال لي أنا أسامة
و من يومها و فيه حاجة اسمها اسامة بتطاردني
لعبي كلها اسمها اسامة
و لما يسألوني امتى هتتجوزي ارد عليهم اما ييجي اسامة
ده كله قبل ما اعرفه
و اما اتكلم بالتلفون و يسألوني بتكلمي مين ارد عليهم و اقول اسامة
اول ما شفته كرهته ،قلت ايه ده مين ده اللي جاي من اولها يتحكم و يتفلسف
و بعدين ايه اسمه ده(Aratype)
لما عرفت ان اسمه اسامة حسيت انه هيكونلي قصة معاه
و بقيت انتظر مجيئه ،و افرح لما اكون بقرأ نفس الموضوع اللي هو بيقرأه،
و احس بدفء غريب لما الاقي اسمي جنب اسمه0
و مرة واحد غلط و شكرني على كتاب اسامة قدمه0
فرحت اوي ،و عرفت انه هيكون فيه حاجة حقيقي
و بعدين اكتشفت اني مش هقدر الا اني احبه،و كلمته،و حاولت اكرهه بنفسي
و هبيت فيه،و عاملته بطريقة بشعة
بس ما قدرتش
لقيتني كل ما احاول ابعد احبه اكتر
و هو كان احسن مني 0استوعبني،و صبر علي
لا و كمان حبني
انتهى